COVER STORY

વિજય રુપાણી થયા 'વાયબ્રન્ટ': ગુજરાત પોલીસને કહ્યું, 'ર૧૦૦૦ આરોપીઓને પકડી લાવો'

RUPANI

મેરાન્યૂઝ નેટવર્ક.ગાંધીનગરઃ ગુજરાત રાજ્યમાં ર૧૦૦૦થી વધારે આરોપીઓ નાસતા ફરે છે. ગુજરાતમાં લગભગ છેલ્લા બે દશકા જેટલા સમયથી ૨૧ હજાર જેટલા ભાગેડુ આરોપીઓને પકડી પાડવા માટે રાજ્યવ્યાપી સઘન ઝૂંબેશ હાથ ધરવા મુખ્યમંત્રી વિજય રૂપાણીએ ગૃહ વિભાગ અને પોલીસ તંત્રને કડક સૂચનાઓ આપી છે.

ગુજરાત રાજ્યમાં છેલ્લા બે દશકા કરતા વધારે સમયથી વિવિધ ગુનાઓમાં સંડોવાયેલા ૨૧ હજાર કરતા વધારે આરોપીઓ નાસતા ફરે છે. જેમાં મોટાભાગના આરોપીઓ વિવિધ ગંભીર ગુનાઓમાં પણ સંડોવાયેલા છે. પરંતુ આજદિન સુધી આ ભાગેડુ આરોપીઓને પોલીસ તંત્ર પકડી નહીં શકતા ઘણા કેસો વિવિધ કોર્ટમાં વર્ષોથી પડતર છે. જયારે આ આરોપીઓ પૈકી ઘણા ખરા સંતાઈ-છુપાઈને સક્રિય પણ રહેતા હોય છે. ત્યારે મુખ્યમંત્રી વિજય રૂપાણી ધ્વારા આ ૨૧ હજાર જેટલા ભાગેડુ આરોપીઓને પકડી પાડવા ગૃહ વિભાગ અને પોલીસ તંત્રને કડક સૂચનાઓ આપી છે.

ગુજરાતમાં જનજીવન શાંતિ અને સલામતીપૂર્ણ રહે તે હેતુથી મુખ્યમંત્રી ધ્વારા અપાયેલી આ સૂચનાને પગલે નવેમ્બર અને ડિસેમ્બર માસ દરમ્યાન આવા આરોપીઓને શોધી કાઢવા જિલ્લાવાર ટીમ બનાવવામાં આવશે. જેમાં હાલની વ્યવસ્થામાં એસ.પી,એલ.સી.બી.,રેંજ,આર.આર. સ્કર્વોડ,એ.ટી.એસ અને સ્ટેટ ક્રાઇમ દ્વારા મોબાઇલ લોકેશન સી.સી.ટીવી નેટવર્ક જેવી આધુનિક ટેકનોલોજીનો ઉપયોગ કરી નાસતા ફરતા આરોપીઓને ઝડપી લેવામાં આવશે. આ કામગીરીની રાજ્યના ડી.જી.પી. કક્ષાએ ત્રિમાસીક સમીક્ષા પણ હાથ ધરવાની સુચના મુખ્યમંત્રીએ આપી છે.

 
 

ALL STORIES

Loading..