મેરાન્યૂઝ નેટવર્ક.નવી દિલ્હી: ઈઝરાયલના વડાપ્રધાન બેન્જામિન નેતન્યાહૂ આજે રવિવારે ઉત્તરાયણના પર્વે 5 દિવસની યાત્રાએ ભારત આવશે. આ 15 વર્ષ બાદ કોઈ ઈઝરાયલી પીએમની ભારતની યાત્રા છે. અગાઉ 2003માં પીએમ એરિયલ શેરૉન ભારત આવ્યા હતા. આ ઈઝરાયલી વડાપ્રધાનની કોઈ દેશની સૌથી લાંબી યાત્રા ગણાવાઈ રહી છે. નેતન્યાહૂની આ યાત્રા ભારત-ઈઝરાયલની મિત્રતાની દૃષ્ટિએ ખૂબ જ મહત્વપૂર્ણ મનાય છે કારણ કે યુએનમાં ભારતે જેરુસલેમને પાટનગર જાહેર કરવાના વિરોધમાં વોટિંગ કર્યુ હતું.

મોદી, નેતન્યાહૂ વચ્ચે સોમવારે હૈદરાબાદ હાઉસમાં બેઠક યોજાશે. તેમાં પેલેસ્ટાઈન, જેરુસલેમ, મિડલ ઈસ્ટ વિવાદ વગેરે મુદ્દે ચર્ચા થઇ શકે છે. નેતન્યાહૂ આગરા, અમદાવાદ અને મુંબઈની મુલાકાત પણ લેશે. તે પોતાની સાથે સૌથી મોટા ડેલિગેશન સાથે ભારત આવી રહ્યા છે. તેમાં 130 બિઝનેસમેન સામેલ છે. આ યાત્રાએ ભારત, ઈઝરાયલ વચ્ચે 445 કરોડ રૂ.ના જમીનથી હવામાં પ્રહાર કરતી 131 મિસાઈલો સહિત અન્ય કરાર થશે.

ઈઝરાયલના વડાપ્રધાન બેન્જામિન નેતન્યાહૂ 5 દિવસની મુલાકાતે આજે નવી દિલ્હી પહોંચશે ઉલ્લેખનીય છે કે, ઈઝરાયલી પીએમનો કોઈ દેશનો આ સૌથી લાંબો પ્રવાસ : આગરા, અમદાવાદ, મુંબઈ પણ જશે. આ મુલાકાત દરમિયાન વડાપ્રધાન મોદીને સમુદ્રના ખારા અને ગંદા પાણીને શુદ્ધ કરતી જીપ ભેટમાં આપશે. નેતન્યાહૂ આગરા, મુંબઈ અને અમદાવાદની પણ મુલાકાત લેવાના છે.