મેરાન્યૂઝ નેટવર્ક.નવી દિલ્હીઃ નીરવ મોદી અને મેહુલ ચૌક્સીના 11,300 કરોડના પીએનબી કૌભાંડના મામલે સીબીઆઈએ શનિવારે પેનબીના મેનેજીંગ ડાયરેક્ટર અને સીઈઓ સુનિલ મહેતા તથા એક્ઝિક્યૂટિવ ડાયરેક્ટર કેવી બ્રહ્માજી રાવ સાથે પુછપરછ કરી હતી. સુત્રો મુજબ આ પુછપરછનો ઉદ્દેશ્ય એ જાણકારી મેળવવાનો હતો કે, આખરે કૌભાંડની ખબર બેન્કને કેવી રીતે મળી, બેન્કએ કેવી રીતે જાણ્યું કે તેમના નિયમોનું ઉલ્લંઘન કરવામાં આવ્યું છે. અધિકારીઓના મુજબ આ મામલામાં મહેતા અને રાવ પર શંકા નથી. પુછપરછ માટે જલ્દી જ બીજા ડાયરેક્ટર્સને પણ બોલાવાઈ શકે છે.

મહેતા અને રાવથી દેવાને મંજુરી આપવાની પ્રક્રિયા, મોટો લૉગ આપવામાં ટોમ મેનેજમેન્ટની ભૂમિકા, અંડરટેકિંગ લેટર ઈશ્યુ કરવા અને આંતરિક નિરીક્ષણ અંગે પુછપરછ થઈ. સૂત્રોનું માનીએ તો તેમનાથી પુછાયું કે આટલા સમય બાદ આ કૌભાંડ અંગે કેવી રીતે ખબર પડી. એમડી તરીકે પ સુનીલ મહેતા પીએનબીની નીતિઓને નક્કી કરવા અને નિયામક એજન્સીઓને સ્થિતિની જાણકારી આપવાની ભૂમિકા પણ નિભાવતા હતા.

અધિકારીઓએ કહ્યું કે બ્રહ્માજી રાવ રિસ્ક મેનેજમેન્ટ અને એકાઉન્ટસનું નિરીક્ષણ કરતા હતા જેમાં મુંબઈ, લખનઉં, મેરઠ આગ્રા અને શિમલા ઝોન સામેલ હતા. મુંબઈની બ્રેડી હાઉસ બ્રાંચ પણ રાવના કાર્યક્ષેત્રમાં આવે છે. અત્યાર સુધી સીબીઆઈએ 6 અધિકારીઓની ધરપકડ કરી છે. તેમાં શેટ્ટી, જીએમ રાજેશ જિંદલ, યશવંત જોશી અને પ્રફુલ્લ સાવંત પણ સામેલ છે. સીબીઆઈએ નીરવના સહયોગીઓ વિપુલ અંબાણી, કવિતા અને અર્જુલ પાટીલની ધરપકડ કરી છે.