મેરાન્યૂઝ નેટવર્ક.સુરતઃ ગત રવિવાર એટલે કે તા. 31ના રોજ દક્ષિણ ગુજરાતની બારડોલી, ચલથાણ, ગણદેવી, કામરેજ, મહુવા, મઢી, સાયણ, નર્મદા અને પંડવાઈ સુગર ફેક્ટરીની મળેલી બોર્ડ ઓફ ડિરેક્ટરની બેઠકમાં શેરડીના ટન દીઠ ભાવો જાહેર કરાયા હતા. દક્ષિણ ગુજરાત સહકારી ખાંડ ઉદ્યોગે આ વર્ષે રૂ. 2401થી રૂ.3035 જાહેર કર્યાં છે. જે ગયા વર્ષની સરખામણીમાં આ વર્ષે રૂ. 70થી રૂ. 110 ઓછા ભાવ જાહેર કરાયા છે. જેના કારણે ખેડૂતોને મોટું નુકસાન થયા હોવાનું જાણવા મળ્યું છે. આ વર્ષે ખાંડ ઉદ્યોગનો ભાવ ઉંચો ન ગચો હોવાથી ખેડૂતોને પ્રતિ ટન રૂ. 893થી લઈને રૂ. 1336નો ફટકો પડ્યો હતો. આ વર્ષે જાહેર કરાયેલા શેરડીના ભાવ ગયા વર્ષ કરતાં નીચા હોવાને કારણે ખેડૂતોમાં નિરાશા ફેલાઈ છે.
સુગર ફેક્ટરીઓએ જાહેર કરેલા શેરડીના ટન દીઠનો ભાવ નીચે મુજબ છે
ક્રમ સુગર ગયા વર્ષનો ભાવ આ વર્ષનો ભાવ તફાવત
1 બારડોલી રૂ. 2832 રૂ. 2753 રૂ. 79 (ઓછા)
2 મઢી રૂ. 2611 રૂ. 2501 રૂ. 110 (ઓછા)
3 મહુવા રૂ. 2451 રૂ. 2505 રૂ. 54 (વધારે)
4 ગણદેવી રૂ. 3105 રૂ. 3035 રૂ. 70 (ઓછા)
5 ચલથાણ રૂ. 2736 રૂ. 2626 રૂ. 110 (ઓછા)
6 સાયણ રૂ. 2741 રૂ. 2676 રૂ. 65 (ઓછા)
7 કામરેજ રૂ. 2406 રૂ. 2376 રૂ. 30 (ઓછા)