-->
 
 

COVER STORY

અક્ષરધામ મંદિરમાં આતંકીની ગોળી ખાનારા IPSને મળ્યા 3 રાષ્ટ્રપતિ મેડલ, જાણો કોને-કોને મળ્યા મેડલ

akshardham

અનિલ પુષ્પાંગદન (મેરાન્યૂઝ.ગાંધીનગર): 26 જાન્યુઆરીના પ્રજાસત્તાક દિન અને 15 ઓગસ્ટના સ્વાતંત્રય દિવસ નિમિતે રાષ્ટ્રપતિ દ્વારા વિવિધ સેવામાં જોડાયેલા અધિકારીઓને પોલીસ મેડલ્સ એનાયત કરવામાં આવે છે. 15 ઓગસ્ટ 2018ના જાહેર થયેલા મેડલ્સમાં President's Police Medal For Distinguished Service માટે આઈબી (ગુપ્તચર વિભાગ)ના ઈન્ચાર્જ વડા આર. બી. બ્રહ્મભટ્ટને એનાયત કરવામાં આવ્યો છે. 

ગુજરાત પોલીસના ઈતિહાસમાં રાષ્ટ્રપતિના ત્રણ મેડલ મેળવનાર ગુજરાત પોલીસ કેડરના એક માત્ર ગુજરાતી આઈપીએસ અધિકારી આર. બી. બ્રહ્મભટ્ટ બન્યા છે. ગુજરાત કેડરના 1995 બેચના આઈજી આર. બી. બ્રહ્મભટ્ટ હાલમાં આઈબીના વડા તરીકેની કામગીરી નિભાવી રહ્યા છે. સપ્ટેમ્બર 2002માં અક્ષરધામ મંદિર પર આતંકવાદી હુમલો થયો હતો. આતંકવાદી હુમલો થયો ત્યારે તે સમયના ગાંધીનગરના એસપી અને હાલના કાયદો અને વ્યવસ્થાના એડી. ડીજી સંજય શ્રીવાસ્તવ હૈદરાબાદમાં સરકારી કામ માટે ગયા હતા. તે વખતે ગાંધીનગર જિલ્લા પોલીસ વડાનો વધારાનો હવાલો આર. બી. બ્રહ્મભટ્ટને સોંપવામાં આવ્યો હતો.

આર. બી. બ્રહ્મભટ્ટને હુમલાની માહિતી મળતાં જ તે અક્ષરધામ મંદિર પહોંચી ગયા હતા. જ્યાં આતંકવાદીઓને પકડવા જતાં આતંકવાદીઓએ આર. બી. બ્રહ્મભટ્ટ તેમજ ડીવાયએસપી ડી.પી. ચુડાસમા પર ગોળીબાર કર્યો હતો. આર. બી. બ્રહ્મભટ્ટ તે સમયે બચી ગયા હતા અને ગોળી તેમના હાથ પરથી સરકીને નીકળી ગઈ હતી. જોકે તે સમયે તેવો લોહી લુહાણ થઈ ગયા હતા. તેમને ગાંધીનગર સિવીલમાં સારવાર માટે લઈ ગયા હતા. જ્યાં પણ તેઓ માત્ર પાટાપીડીં કરાવીને તુરંત અક્ષરધામ મંદિરે પરત આવી પોતાની કામગીરીમાં જોડાઈ ગયા હતા.

જ્યારે તેમની સાથેના ડીવાયએસપી ડી.પી. ચુડાસમાની હાલત ગંભીર હોવાથી તેમને અમદાવાદ સિવીલ હોસ્પિટલમાં ખસેડવામાં આવ્યા હતા. આ ડીવાયએસપીને જ્યારે ગોળી વાગી ત્યારે તેઓ પીએસઆઈ હતા. આતંકવાદીની ગોળી વાગ્યાના 16 વર્ષ પછી ડીવાયએસપી ડીપી ચુડાસમાને Police Medal એનાયત કરવામાં આવશે. આર. બી. બ્રહ્મભટ્ટની આ ઉતકૃષ્ટ સેવાને ધ્યાનમાં રાખીને વર્ષ 2003માં President's president police medal for gallantry એનાયત કરવામાં આવ્યો હતો.

વર્ષ 2011માં President's Police Medal For Meritorious Service પણ એનાયત કરવામાં આવ્યો હતો. ગુજરાત પોલીસ દળમાં આઈપીએસની નોકરીમાં 15 વર્ષ સુધી સારી કામગીરી કરનાર અધિકારીને આ મેડલ એનાયત કરવામાં આવી છે. 15 ઓગસ્ટ 2018એ આઈજી આર. બી. બ્રહ્મભટ્ટની ઉત્કૃષ્ઠ કામગીરીને ધ્યાનમાં રાખીને President's Police Medal For Distinguished Service એનાયત કરવામાં આવ્યો છે. President's Police Medal For Meritorious Serviceના એનાયત થયાના 5 વર્ષ પછી Distinguished Serviceનો મેડલ એનાયત કરવામાં આવતો હોય છે. ગુજરાત પોલીસ કેડરમાં આઈપીએસ બેચમાં એક માત્ર ગુજરાતી આઈપીએસ અધિકારી આર. બી. બ્રહ્મભટ્ટને એક સાથે ત્રણ મેડલ મળ્યો હોવાનો પ્રથમ કિસ્સો છે. ગુજરાતમાંથી કુલ 4 લોકોને President's Police Medal મેડલ અને 25ને Police Medal મેડલ એનાયત કરવામાં આવશે.

President's Police Medal For Distinguished Service મેળવનાર
આર. બી. બ્રહ્મભટ્ટ, આઈબીના ઈન્ચાર્જ વડા
પી આર ગહેલોત, એસીબીના આસી. ડાયરેક્ટર, વડોદરા યુનિટ
દિપક વ્યાસ, એસીપી ટ્રાફીક, અમદાવાદ,
નારસંગભાઈ ચૌધરી, પીએસઆઈ, અંક્લેશ્વર શહેર પોલીસ

 Police Medal મેળવનાર
- કે જી ભાટી, જોઈન્ટ કમિશનર ઓફ પોલીસ ક્રાઈમ એન્ડ ટ્રાફીક વડોદરા
- એસ એફ વાઢેર, ડીએસપી, હેડક્વાર્ટર નર્મદા રાજપીપળા
- એમ જે સોલંકી, ડીવાય.એસપી, હેડક્વાર્ટર ગાંધીનગર
- દિગ્વિજયસિંહ પી. ચુડાસમા, આસી. ડાયરેક્ટર, હેડક્વાર્ટર એસીબી અમદાવાદ
- પી પી વ્યાસ, ડીવાયએસપી, સીએમ સિક્યુરિટિ ગાંધીનગર
- આર. પી. વિષ્ણુંપ્રસાદ, આર્મ્ડ ડીવાયએસપી, એસઆરપીએફ ગ્રુપ IX, વડોદરા
- કે.વી. પરીખ, આર્મ્ડ ડીવાયએસપી, એસઆરપીએફ ગ્રુપ XI, વાવ
- બી બી બાંભણીયા, આર્મ્ડ ડીવાયએસપી, એસઆરપીએફ ગ્રુપ, IX, વડોદરા
- હેમુભાઈ સોલંકી, PI, એટીએસ અમદાવાદ
- રાજપુત અશોક કુમાર સુરજસિંગ, આર્મ્ડ પીઆઈ, એસઆરપીએફ ગ્રુપ IX, વડોદરા
- અશોકકુમાર બી. ગીડા, પીએસઆઈ, રાજકોટ
- મહેન્દ્ર જેઠવા, એએસઆઈ, જામનગર
- હિમ્મતકુમાર જે. પરમાર, એએસઆઈ, અમદાવાદ
- વી. એસ. રાઠોડ, એએસઆઈ, થરાદ
- અરવિંદ કાશિનાથ થોરાટ, એએસઆઈ, વડોદરા
- રહેમતઉલ્લાહ બહેલીમ, એએસઆઈ, ગાંધીનગર
- મનોજકુમાર કે. દહિવેલ્કર, એએસઆઈ, સુરત
- નામદેવસિંહ જાડેજા, એએસઆઈ, એસઆરપી ગ્રુપ XVII, જામનગર
- ઈમ્તિયાઝ હુસૈન મંસુરી, હેડ કોન્સટેબલ, સુરત
- ફારુકભાઈ યાકુબભાઈ પટેલ, હેડ કોન્સ્ટેબલ, મોરબી સીટી
- મુકેશભાઈ દરજી, હેડ કોન્સ્ટેબલ, ડીસ્ટ્રીક્ટ ટ્રાફીક બ્રાન્ય પાલનપુર
- પ્રવિણકુમાર ચુનીલાલ લિંબાચિયા, કોન્સટેબલ, એસઆરપી ગ્રુપ IX, વડોદરા
- હરેશ ઈંગલે, પીએસઓ સીએમ સિક્યુરિટિ, ગાંધીનગર
- મહેશચંદ્ર કેશવજી ભાલરા, એએસઆઈ, એસઆરપી ગ્રુપ XVII,જામનગર

 
 

ALL STORIES

Loading..